Грчката Православна Архиепископија во Америка (ГПАА) официјално лансираше блог платформа на својата страна, давајќи им можност на верните да читаат и пишуваат текстови на голем број теми.
Во соопштението на ГПАА, меѓу другото се вели:
„Со промените во областа на комуникациите иницирани од мобилната технологија, Грчката Православна Архиепископија во Америка одговара на потребите за споделување на добрата вест на Светото Евангелие на нови и креативни начини, овозможувајќи увиди и стратегии за различните сфери на служење и програми во Црквата. Блогерската платформа ќе им помогне на луѓето не само да научат нешто за верата, туку и еден друг да се вклучат во овој процес, преку електронско поднесување на повратни информации (фидбек)“.
На платформата во моментов се достапни четири категории на текстови: Интернет ѓаконија, Верско образование, „Лествица“ (Младина и младинска ѓаконија) и „Верата е важна“ (Оддел за внатре-православни, екуменски и меѓу-верски односи). Овие категории ќе бидат дополнително проширени за да ги опфатат одделите и службите на Архиепископијата.
За да ја посетите оваа платформа, кликнете на blogs.goarch.org.
Извор: Goarch.org