Претседателот на Украина, Н. Е. г. Петар Порошенко остварил средба со новоизбраниот Киевски Митрополит г. Онуфриј. Претседателот му го честитал изборот за Претсетојател на Украинската православна црква на Митрополитот Онуфриј.
– Се молиме Црквата да издржи и да донесе мир, милост и христијански вредности во нашата земја. Државата, и јас како Претседател, ви нудам цврста поддршка во вашето Божје дело. Моите очи и моето срце, како и мојата врата, се секогаш отворени за вас – изјавил г. Порошенко.
Митрополитот Онуфриј му се заблагодарил на Претседателот за честитките, и нагласил дека главна одговорност на Црквата денес е помирување на луѓето: „Секого го прифаќаме со љубов, затоа што сите сме Божји деца, и тоа е нашата главна мисија како Црква“, дополнувајќи: „Сочувствуваме не само со духовните проблеми на народот, туку и со неговите финансиски проблеми. Ја делиме нивната судбина, и така ја ублажуваме нивната тага“.
На крај, г. Онуфриј потенцирал: „Мора да се обединиме во Христа“.
Извор: Московска Патријаршија