На 17.09.2023 година, во Петнаесеттата Недела по Педесетница, Неговото Преосвештенство Епископот Делчевско-каменички г.Марко, служеше Света Архијерејска Литургија во соборниот храм „Успение на Пресвета Богородица“ во Делчево. На Епископот г.Марко му сослужуваа Високопреосвештените Митрополити: Крушевско-демирхисарски г.Јован, Брегалнички г.Иларион, Кумановско-осоговски г.Григориј и Преосвештените Епископи: Врањски г.Пахомиј, Австриско-швајцарски г.Андреј, Нишки г.Арсениј.
На крајот од Светата Литургија, Митрополитот Брегалнички г. Иларион го изврши чинот на востоличување на Епископот Делчевско-каменички г.Марко.
На Светата Литургија верниот народ се причести со Светите Христови Тајни.
