Во навечерието на празникот ,,Свети Јован Златоуст” во манастирот посветен на неговиот спомен во Нижеполе беше отслужено сеноќно бдение, на кое беше прославен именденот на Митрополитот Крушевско-демирхисарски г. Јован. Вечерната богослужба беше возглавена од Неговото Високипреосвештенство Митрополитот Кумановско-осоговски г. Григориј. Литургијата беше возглавена од Неговото Високопреосвештенство Митрополитот Крушевско-демирхисарски г. Јован, во сослужение на Неговото Високипреосвештенство Митрополитот Кумановско-осоговски г. Григориј, Неговото Преосвештенство Епископот Делчевско-каменички г. Марко и Неговото Преосвештенство Епископот Дремвитски г. Давид. На Литургијата, Митрополитот г. Григориј произнесе вдахновена бесада и му го честита именденот на Митрополитот г. Јован, посакувајќи му од Господа сила и бодрост на духот и телото и постојано да ја укрепува неговата света архипастирска десница. Митрополитот г. Јован му се заблагодари на митрополитот г. Григориј за неговиот труд да дојде за богослужбата во овие тешки зимски временски услови.
