На 08.12.2021 год., празник на свети Климент Охридски Чудотворец – молитвениот покровител на Македонската Православна Црква-Охридска Архиепископија, во храмот Св. Климент Охридски, во нас. Сењак, Штип, Неговото Високопреосвештенство митрополитот Кумановско-осоговски г.Григориј чиноначалствуваше на Светата архијерејска Литургија, во сослужение со митрополитот Брегалнички г.Иларион, митрополитот г.Јосиф и свештенство од Брегалничката епархија. На Светата Литургија верниот народ се причести со Светите Христови Тајни.
