На 23.10.2022 год., недела 19 по Педесетница, Неговото Високопреосвештенство митрополитот Кумановско – ососговски г. Григориј служеше Света Литургија во новоосветениот храм свети Јован Крстител во Велес. Светиот чин на осветување на храмот го изврши Митрополитот Повардарски г. Агатангел во сослужение на Митрополитот Брегалнички г. Иларион, Митрополитот Тетовско-гостиварски г. Јосиф, Митрополитот Кумановско-осоговски г. Григориј. На Светата Литургија верниот народ се причести со Светите Христови Тајни.
