На 24.12.2023 година, во Неделата на Светите Праотци, Неговото Високопреосвештенство Митрополитот Кумановско-осоговски г. Григориј, во сослужение на Митрополитот г. Јосиф, архимандритот Иринеј, протојереј-ставрофор Александар Смиљков, протојереј-ставрофор Блаже Цековски, игумен Фотиј, протосингел Фотиј, протојереј Љубомир Митевски, јереј Дејан Апостоловски и протоѓакон Кире Горгиев служеше Света Литургија во манастирот на свети Јоаким Осоговски во Крива Паланка. На Светата Литургија, за време на Малиот вход, Митрополитот г. Григориј го произведе протосингелот Фотиј во игуменски чин. На Светата Литургија верниот народ се причести со Светите Христови Тајни.
Честит нека му е игуменскиот чин на отец Фотиј. Господ Бог да ги услиши молитвите од чинот на хиротесијата за игумен, принесени преку нашиот владика, Митрополитот Кумановско-осоговски г. Григориј.
