На 12.02.2016 година, на празникот на Светите вселенски учители и светители Василиј Велики, Григориј Богослов и Јован Златоуст, во Соборниот храм „Св. Кирил и Методиј“ во Тетово се богослужеше Света Златоустова архиерејска литургија на која чиноначалствуваше Високопреосветениот Митрополит Европски г. Пимен во сослужение со Високопреосветените Митрополити Тетовско-гостиварски г. Јосиф и Кумановско-осоговски г. д-р Јосиф. На Литургијата сослужуваа и игуменот Гаврил, игуменот на Лешочкиот манастир – Теодосиј, игуменот на манастирот „Успение на Пресвета Богородица“ – Фотиј, игуменот на Осоговскиот манастир – Григориј и повеќе свештеници и ѓакони од епархиите на МПЦ-ОА. Верниот народ се причести со Светите Христови Тајни.
